SöfnÍslenskaÍslenska |
Flokkar
Allt (113)
Viðm.ártal:≈ 1950
Leið mín lá
um land fagurt. Brattir ásar til beggja handa skógi vaxnir uns skriðgrýti stöðvar burkna sem björk. Steig ég af baki við stein háan. Spretti hnakki af sporléttum. Fleygði mér síðan í fang jarðar laut blágresi búna. Barst mér að vitum - sem blíðyrðum andi frá vörum ástvinu - ilmur jarðar áfengur sem vín Langbarðalands. Leið mér yfir augu ljúfur draumur Birtist mér þá hún sem heitast ann ég Rétti hún mér mund sína mjallahvíta kraup ég og kyssti heitt. Gengum við saman um graslendur. Tíndum smáblóm í smæruhlíð. Nam röðull við náttstað nutumst í næturkyrrð. Stóðum við brátt á strönd víðri Greip hana þá óró og örvilnan Lagðist hún til sunds frá landsteinum hvarf mér í næturhúm. Hrópaði ég og hana bað aftur að snúa. Án árangurs. Bað ég guð af alhug að mér aftur gæfi ást mína, lífs míns líf. –- Berast fley um blávoga sveipuð gullslikju sólheima. En önnur brotna á bölskerjum. Skolar líkum á land. |