SöfnÍslenskaÍslenska |
Flokkar
Allt (113)
Hækkandi sól á himni
horfir á sunnudegi blítt yfir bláa ísa blika mjallstjörnur fagrar. Þíðir hún skafl á þaki þrá í hjörtum vekur eftir vori og varma vakandi lífi í sveitum. Tittlingar hoppa á hlaði horfa í dyr og glugga, birtist í bæjardyrum blíðlynd í vaðmálskjólnum mær með skorpur og skófir og skál fulla af korni. Varpar hún korni í varpann verða gestirnir hræddir og flýja sem vængir valda en vilja þó ekkert missa koma því óðar aftur og augum til hennar líta sem bar þeim í bjargarleysi brauðið sem aðrir fleygðu. Hækkandi sól frá himni horfir á sunnudegi. Brosir við börnum jarðar bæði stórum og smáum. |