SöfnÍslenskaÍslenska |
Flokkar
Allt (113)
Bæjarlækurinn á KeldumFyrsta ljóðlína:Úr háum himinskýjum ég hníg á fold
Höfundur:Kristín Skúladóttir Keldum
Heimild:Teikningar Kristínar frá Keldum. Viðm.ártal:≈ 1950
Úr háum himinskýjum ég hníg á fold,
drýp í dropatali á dökka mold, bíð ei - en breyti stefnu við berglög hörð. Mig dreymir dagsins birtu djúpt í jörð. Vatnsins æðar víkka, vex mitt afl. Í sólarátt ég sæki og sigra tafl. Ég drýp og duna gegnum djúpsins þröng. Með lindarkliði líð svo út um leynigöng. Ég dreifi daggarúða um dal og hól og blóm í flýti fær sér fagran kjól. Ég hoppa í brekkuhjalla og hörpu slæ. Ég er bjartur lækur hjá bóndabæ. |