SöfnÍslenskaÍslenska |
Flokkar
Allt (113)
VetrarkomaFyrsta ljóðlína:Á veldisstólinn vetur sest
Höfundur:Kristín Skúladóttir Keldum
Heimild:Teikningar Kristínar frá Keldum. bls.167
Viðm.ártal:≈ 1950
Á veldisstólinn vetur sest
í verðrahöll og krýnir háar heiðarbrúnir hvítri mjöll. Hríðardans um hauður freðið hefja kann. Vetrarkvíða í veikum brjóstum vekur hann. Opnar Norðri, æðsti þjónninn allar dyr. en Suðri hættir sókn og kýs að sitja kyrr. Austri og Vestri einnig hika og una við að hlýða á Norðra heljarferð um hallarsvið. Hríðin ólmast, herðir frostið hvítnar frón. Ægir drynur undir þungan organtón. Slotar veðri, storminn lægir stórhríð dvín. Um mildingshöllu mánaljósið mjúklátt skín. Hilmir stundum hljótt og stillt um höllu fer og grefur skraut með listalagi á ljóragler. Sýnir enginn sjóli fegri salartjöld en stjörnum prýdda himinhvelfing heiðrík kvöld. Vertu öllum vetrum betri vísir hár. Geymast mun á góðum bókum gengið ár. |