Evukvæði

Í upphafi Drottinn Evu skóp
með ástina logandi í hjarta.
Allsnakin hún um Eden hljóp
svo Adam þurfti ekki að kvarta.

Aldrei borgaði Adam skatt
og enginn hann níddi oní svaðið.
Hún Eva ei krafði hann um kjól eða hatt
hún komst af með fíkjublaðið.

Sjaldan var Eva við Adam sinn gröm
Eva var húsleg og þrifin.
Ei var hún heldur afbrýðisöm.
Til öryggis taldi hún þó rifin.