SöfnÍslenskaÍslenska |
Flokkar
Allt (113)
HauskúpubragurFyrsta ljóðlína:Gaman væri að reyna að ráða
Höfundur:Ólöf Ó. Briem Stóra-Núpi
Heimild:Heima og heiman. Viðm.ártal:≈ 1930–1940
Skýringar
Snorri Hjartarson skáld sat einn vetur á Stóra-Núpi, skrifaði skáldsögu, safnaði Hallgrímsskeggi, reykti sígarettur og notaði sem öskubakka hauskúpubrot frá Skeljastöðum í Þjórsárdal.
Gaman væri að reyna að ráða
rúnir þínar gamla bein sjá þar þína sögu skráða sögu er bók ei geymir nein Sögu er engin setti í letur sögu er engin greina má drætti þá er dimmur vetur dregið hefur skallann á Varstu ekki einu sinni ungur hnakki í Þjórsárdal hulinn hvítu mjúku skinni hreint sem snjór í fjallasal Bjó þar inni svefninn sætur sálin ung og hugsun smá dreymdi hljótt um daga og nætur drauma er engin ráða má Rannst þú upp sem runnur fríður röskur fagur hár og stór litarbjartur, lokkasíður logar brunnu í heilakór Skein þar inni ástin, trúin íturhrein og göfug lund þegar fórst þú björtum búin bláum hjálmi á vígafund Sem þá hverfur sól af klettum sest að mánabirtan köld Loksins hvarf af lokkum þéttum litur skær við ævikvöld Hárin blöktu hvít á kalli hurfu loks að öllu þó eftir sat þar auður skalli útaf seinast valt og dó Varstu svo í grafreit geymdur grafinn niður álnir þrjár Ofanjarðar öllum gleymdur engin veit um hvað mörg ár ausin mold sem öll er rokin uppí dagsljós komin nú er nú týndur, eyddur, fokinn allur karlinn nema þú Svona gekk það gamli hnakki gleggra ég ei lýsa kann Nú ertu orðinn öskubakki undarleg er tilveran Þar sem ljósir lokkar blöktu líkir gulli herðum að hart er borð und beini nöktu brunnin aska í heilastað Enn þú horfir ellibleikur upp í loftin björt og há þegar léttur ljósblár reykur liðast Hallgrímsskeggi frá Meðan skáldið sögu semur sígarettu vermt af yl ef til vill þá ofan kemur andi þinn að hjálpa til. Athugagreinar |