Stefán Vagnsson 1889–1963
EIN LAUSAVÍSA
Stefán var fæddur í Miðhúsum í Blönduhlíð 1889, sonur hjónanna Vagns Eiríkssonar og Þrúðar Jónsdóttur. Stefán tók próf frá Gagnfræðaskólanum á Akureyri 1910. Fékkst síðan við kennslu á ýmsum stöðum í Skagafirði árum saman, ásamt búskap eftir að hann gerðist bóndi. Sat í ýmsum opinberum nefndum og gegndi margvíslegum öðrum trúnaðarstörfum, bæði í Akrahreppi og síðar á Sauðárkróki. Verkstjóri hjá Síldarverksmiðjum ríkisins á Siglufirði í nokkur sumur. Árið 1918 kvæntist Stefán Helgu Jónsdóttur frá Flugumýri. Þau bjuggum MEIRA ↲
Stefán var fæddur í Miðhúsum í Blönduhlíð 1889, sonur hjónanna Vagns Eiríkssonar og Þrúðar Jónsdóttur. Stefán tók próf frá Gagnfræðaskólanum á Akureyri 1910. Fékkst síðan við kennslu á ýmsum stöðum í Skagafirði árum saman, ásamt búskap eftir að hann gerðist bóndi. Sat í ýmsum opinberum nefndum og gegndi margvíslegum öðrum trúnaðarstörfum, bæði í Akrahreppi og síðar á Sauðárkróki. Verkstjóri hjá Síldarverksmiðjum ríkisins á Siglufirði í nokkur sumur. Árið 1918 kvæntist Stefán Helgu Jónsdóttur frá Flugumýri. Þau bjuggum fyrst á Flugumýri og Sólheimum í Blönduhlíð en fluttust síðan á eignarjörð sína, Hjaltastaði í Blönduhlíð, þar sem þau áttu heimili sitt uns þau fluttu til Sauðárkróks 1941. Á Sauðárkróki starfaði Stefán á skrifstofu Mjólkursamlags Skagfirðinga til dauðadags 1963. Árið 1976 kom út úrval rita og ljóðmæla Stefáns, og nefnist ritið „Úr fórum Stefáns Vagnssonar“. (Sjá Úr fórum Stefáns Vagnssonar frá Hjaltastöðum. Frásöguþættir, þjóðsögur og bundið mál. Reykjavík 1976) ↑ MINNA