Dæmi: Upp, upp mín sál og ferðunst fús
LXXV. psalm. Um dýrð og vegsemd
útvaldra Guðs barna í eilífu lífi.
Ton: Mikillri farsæld mætir sá. etc: Thenor.
1. Upp, upp mín sál og ferðunst fús
fríðri Guðs borg að ná
þar ununarsamleg eru hús
æskileg hönum hjá,
þar sáluhjálp án enda er,
án dauða líf eilíft,
án hryggðar gleðin aldrei þver,
angri þar verður svipt,
án myrkra ljósið aldrei dvín,
eilífur gleðidagur skín,
veikleiki, ótti, víl né þrá
verður ei nokkur þar,
harmurinn öngvan mæða má,
mein *ekkert snertir par.
Gefi oss öðlast gleði þá,
Guð, drottinn allsherjar.

Hallgrímur Pétursson